ASTANA. KAZINFORM — Qazaqstandyq tennısshi Jibek Qulambaeva juptyq synda Lozada (Portýgalııa) ITF W35 týrnıriniń jartylaı fınalyna joldama aldy.
Qazaqstandyq tennısshi Belarýs ókili ıÝlııa Hatýkamen birge shırek fınalda jarystyń 1-raketkalary, amerıkalyq Djıda Denıel — býrýndılik Sada Nahımanamen sheberlik baıqasty.
Birinshi partııada qazaqstandyq-belorýssııalyq jup 4:1 esebimen alda turǵanda, qarsylastary matchty jalǵastyrýdan bas tartty.
Jibek Qulambaeva — ıÝlııa Hatýka fınalǵa shyǵý úshin ıspanııalyq Andrea Lazaro Garsııa — frantsııalyq ıAsmın Mansýrımen talasady.
Jekeleı synda álemdik reıtıngide 334-orynda turǵan J.Qulambaeva bastapqyda ırandyq Sana Garakanıdi 6:3, 6:1 esebimen utty. Alaıda 1/8 fınalda reıtıngide 379-satydaǵy germanııalyq Katarına Hobgarskıge ese jiberdi — 2:6, 0:6.
Eske sala keteıik, budan buryn Denıs Evseevtiń Ispanııada qarsylasyn oısyrata utyp, shırek fınalǵa shyqqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).