ASTANA. KAZINFORM — Qazaqstandyq tennısshi Jibek Qulambaeva juptyq synda Madrıd (Ispanııa) ITF W100 týrnıriniń fınalyna joldama aldy.
Jarystyń 3-raketkalary J.Qulambaeva men ıtalııalyq Nıkol Fossa-Ýergo jartylaı fınalda Aljır ókili Ines Ibboý — nıderlandylyq Bıbıana Shoofspen sheberlik baıqasty.
Qazaqstandyq-ıtalııalyq jup 6:2, 6:3 esebimen jeńiske jetti.
Báseke 1 saǵattan sál astam ýaqytqa sozyldy.
J.Qulambaeva — N.Fossa-Ýergo fınalda ıspanııalyqtar Marına Bassols — Andrea Lazaro Garsııamen bas júldeni sarapqa salady. Bul dýet ulybrıtanııalyq Madlen Brýks — reseılik Alına Charaevany joldan taıdyrdy — 7:5, 6:3.
Eske sala keteıik, budan buryn Jibek Qulambaeva Madrıdtegi jarystyń jartylaı fınalyna joldama alǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).