ASTANA. KAZINFORM — Qazaqstandyq tennısshi, álemniń 318-raketkasy Jibek Qulambaeva Hýchjoý (Qytaı) chellendjer týrnıriniń irikteý saıysyn sátti bastady.
Qazaqstandyq tennısshi jergilikti sportshy Gýıý Sıýıge birde-bir geım bermeı, 6:0, 6:0 esebimen oısyrata jeńdi.
Match 54 mınýtta aıaqtaldy.
Jibek Qulambaeva irikteý saıysynyń fınalynda álemdik reıtıngide 476-orynda turǵan ońtústikkoreıalyq Djon Chanmen kezdesedi. Ony jeńse, negizgi jarysqa joldama alady.
Taǵy bir qazaqstandyq, álemniń 242-raketkasy Zarına Dııas negizgi týrnırde alǵashqy aınalymda reıtıngide 216-satydaǵy frantsııalyq Karol Monnemen sheberlik baıqasady.
Eske sala keteıik, budan buryn Arýjan Saǵyndyqovanyń Qytaıdaǵy týrnırde jeńis tuǵyryna kóterilgenin jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).