Jibek Qulambaeva Horvatııadaǵy týrnırdiń shırek fınalyna shyqty
15:04, 15 Mamyr 2024
<p>ASTANA. KAZINFORM – Qazaqstandyq, álemniń 499-raketkasy Jibek Qulambaeva Zagreb (Horvatııa) ITF W75 týrnıriniń shırek fınalyna shyqty.</p>
Qazaqstandyq tennısshi ekinshi aınalymda álemniń 259-raketkasy, japonııalyq Hımeno Sakatsýmemen betpe-bet keldi.
Birinshi partııany Jibek 6:2 esebimen túıindese, ekinshisinde de esesin jibergen joq – 6:4.
Birshama tartysty ótken kezdesý saǵat jarymǵa sozyldy.
Jibek Qulambaeva jartylaı fınalǵa shyǵý úshin álemniń 234-raketkasy, horvatııalyq Tena Lýkas nemese reıtıngide 367-oryndaǵy serbııalyq Lola Radıvoevıchtiń qaı jeńgenimen talasady.
J.Qulambaeva qazirgi sátte WTA Live reıtıngisinde 438-satyǵa kóterilip tur.
Eske sala keteıik, budan buryn Jibek Qulambaevanyń Zagrebte jarystyń úshinshi raketkasyn jeńgenin jazǵan bolatynbyz.
Sondaı-aq Zarına Dııas Japonııadaǵy jarysty jeńispen bastady.