Jazýshy Sábıt Dosanov saılaýda óz tańdaýyn jasady

ALMATY. QazAqparat - Saılaýǵa qatysý jáne laıyqty partııaǵa daýys berý - ár azamattyń mindeti. Mundaı pikirdi belgili jazýshy, Memlekettik syılyqtyń laýreaty Sábıt Dosanov aıtty, dep habarlaıdy QazAqparat tilshisi.

«Saılaý ýchaskesine otbasymmen birge bardym. Daýys berý - ár qazaqstandyqtyń azamattyq boryshy. Memleket basshysy árdaıym óz sózinde bizdiń basty baılyǵymyzdyń biri - birlik pen táýelsizdik ekenin aıtady. Biz muny qasterlep, baǵalaýymyz kerek. Qazaqstan ýaqyt aǵymyna ilesip keledi. Jyl saıyn jańa jetistikterdiń kýási bolyp júrmiz. Saılaý - eldiń bolashaǵyna úles qosatyn azamattardy tańdaý múmkindigi», - deıdi Sábıt Dosanov.

Ol sonymen qatar, saılaýǵa úlken jaýapkershilikpen qaraý kerektigin atap ótti. Óıtkeni, eldiń bolashaǵy - senim artqan partııada.