Jazýshy Qadyr Álimqulovtyń «Ákemniń álemi» atty jańa kitaby jaryq kórdi
Jazýshy bul roman-essesinde soǵys jáne eńbek ardageri, izetti urpaq tárbıelep ósirgen ardaqty ákesiniń beınesin shynaıy, kesteli til, kórkem obraz arqyly keskindeı bilgen.
Bala kezden oıyna saqtaǵan ákeniń tálim-tárbıesi men jarqyn isterin, es jıyp, er jetip, at jalyn tartyp mingen jastyq shaǵyn, stýdenttik jáne otbasyn qurap, jurtpen aralasyp, el aǵalarymen birge bolǵan maǵynaly kúnderiniń tizbegin, ákemen ótkizgen barlyq sátterdi qalamger qyzyqty ári áserli sýrettegen.
Kitapta artyq detal, basty keıipkerin asyra maqtaý nemese adamdardy syrttaı dattaý, taǵy basqa da oqyrman kóńiline syzat túsirer jaıttar joq. Qarapaıym qazaq otbasynyń aırandaı uıyǵan tirshiligi, otaǵasynyń bala tárbıesinde alar orny, qara shańyraqtyń shattyǵy sanalatyn asyl ananyń qadir-qasıeti, aǵaıyn-týys, dos-jaran, kórshiniń aralas-quralas tatý tirligi - bári-bári nanymdy baıandalǵan.
Keńestik kezeńniń quıtyrqy saıasaty, ekinshi dúnıejúzilik soǵystyń qazaq qoǵamyna tıgizgen, kezinde aıtýǵa tym salynǵan zardaptary naqty derektermen, keıipkerlerdiń bastan keshken túrli oqıǵalary arqyly tartymdy beriledi. Kitap sondaı erekshelikterimen qundy.