Jazǵy ýnıversıada: Dzıýdoshy Asqar Narqulov el qorjynyna tórtinshi medaldi saldy

ChENDÝ. QazAqparat – Chendý qalasynda (Qytaı) ótip jatqan Jazǵy ýnıversıada oıyndarynda Qazaqstan quramasy tórtinshi medaldi jeńip aldy, dep habarlaıdy QazAqparat Sports.kz saıtyna silteme jasap.

Dzıýdoshy Asqar Narqulov qola júldeger atandy: 73 kelige deıingi salmaqta úshinshi oryn úshin ótken beldesýde ol Qyrǵyzstan ókili Shyńǵyshan Saǵynalıevti jeńdi.

Eske salaıyq, bul Qazaqstan úshin bir kúndegi úshinshi medal. Buǵan deıin, «qolany» shaǵyn kalıbrli vıntovkadan atýdyń sheberleri Konstantın Malınovskıı, Islam Sátpaev pen Shahtorın Nıkıta; tez atylatyn pıstoletten atý dıstsıplınasynda Chırıýkın Nıkıta aldy.

Keshe dzıýdoshy Suńǵat Jubatqan qola medal jeńip alyp, el qorjynyna alǵashqy medal salǵan bolatyn.

29 shilde kúngi jarystardy Qazaqstan medaldar kestesinde 14-orynmen aıaqtady.

Aıta keteıik, Jazǵy ýnıversıadaǵa 93 qazaqstandyq sporttyń 11 túrinen (sadaq atý; oq atý; jeńil atletıka; sporttyq gımnastıka; dzıýdo; kórkem gımnastıka; ústel tennısi; taekvondo; ý-shý; júzý; semserlesý) qatysyp jatyr. El quramasy elimizdiń 26 joǵary oqý ornynyń stýdentterinen jasaqtalǵan.