Jazǵy mektep qalaı uıymdastyrylady: Mınıstrlik jaýaby
QR BǴM Mektepke deıingi jáne orta bilim berý komıtetiniń tóraǵasy Gúlmıra Kárimova bıylǵy oqý jyly 25 mamyrda aıaqtalatynyn aıtty. Mınıstr tıisti buıryqqa qol qoıdy. 26 mamyrdan bastap 9, 11-synyp oqýshylary emtıhandaryn tapsyrady. Al qalǵan synyp oqýshylary úshin 17 maýsymǵa deıin jalǵasatyn jazǵy mektep uıymdastyrylady.
«Jazǵy mektep – bilimińizdi jetildirip, olqylyqtardy toltyrýǵa tamasha múmkindik. Pandemııa oqý úderisine jaqsy áser etpegenin jáne mektep oqýshylarynyń keı taqyryptardy tolyq meńgermegenin jaqsy bilemiz. Basqa elderde bul máseleni sheshý úshin oqý jylyn uzartady. Al biz oqý jylyn uzartpaı, jazǵy mektep uıymdastyrdyq. Biz barlyq oqýshylarǵa jazǵy mektepten qalmaýǵa keńes beremiz», - dedi Gúlmıra Kárimova.
Vedomstvo málimetinshe, jazǵy mektepterde sabaqtar ádettegi formatta ótpeıdi. Ikemdi oqý kestesi uıymdastyrylady, sabaqtar murajaılarǵa jáne ekskýrsııalarǵa barý túrinde de uıymdastyrylady.
«Bul rette jazǵy mektepte oqýshylarǵa baǵa qoıylmaıtynyn, sonymen qatar úı tapsyrmasy berilmeıtinin atap ketken jón. Jazǵy ýaqyttaǵy oqý múmkindiginshe qyzyqty ári mazmundy ótý úshin barlyq jaǵdaı jasalady. Keıbir balalardyń repetıtorlarmen aqyly kýrstarǵa baryp, qosymsha bilim alatynyn bilemiz. Osy oraıda jazǵy mektep bilimińizdi shyńdap, olqylyqtyń ornyn toltyrýǵa da tamasha múmkindik. Onyń ústine muǵalimder óz oqýshylarynyń kúshti jáne álsiz jaqtaryn jaqsy biledi», - deıdi Mektepke deıingi jáne orta bilim berý komıtetiniń tóraǵasy.
Jazǵy mektep barlyq oqýshylar úshin uıymdastyrylady. Degenmen, túrli jaǵdaılarǵa baılanysty jazǵy mektepke qatysty sońǵy sheshimdi ata-analar men mektep oqýshylary ózderi qabyldaıdy.
«Biraq bul jerde birinshi kezekte balanyń múddesin, onyń bolashaǵyn oılaý kerek. Sondyqtan, túpkilikti sheshim ata-ananyń qolynda ekenine qaramastan, biz óz tarapymyzdan jazǵy mektepke barýǵa keńes beremiz. Óıtkeni bul, eń aldymen, balalarǵa qajet», - dedi Gúlmıra Kárimova.