Jazǵy mektep birneshe formatta jumys isteıdi

NUR-SULTAN. QazAqparat – Bilim jáne ǵylym mınıstrligi qashyqtan oqytýda ketken olqylyqtardyń ornyn toltyrý úshin 26 mamyr men 19 maýsym aralyǵynda jazǵy mektep jobasyn iske asyrady, dep habarlaıdy QazAqparat tilshisi.

Mektepke deıingi orta bilim komıtetiniń tóraǵasy Maıra Meldebekova BAQ ókilderine bergen suhbatynda «jazǵy mekteptiń» qatyp qalǵan formaty bolmaıtynyn aıtty.

«26 mamyrda jazǵy mektepter ashylady. Degenmen olqylyqty toltyrý bir ǵana jazǵy mekteptiń jumysymen shektelmeıdi. Aldaǵy oqý jyldarynda ıgerilmegen taqyryptardy bekitý jumystary eskeriledi. Jergilikti atqarýshy organdar bar, joǵary oqý oryndary bar, peldagogıkalyq kolledjderdiń úzdik shákirtteri bar. Solarmen birge keshendi jumys jasalady. Al qazirgi tańda jazǵy mektep 26 mamyrda bastalyp, 17 maýsymdy qosa alǵan kúni bitedi. Bul jerde ulttyq bilim akademııasy 1 synyptan 11 synypqa deıingi barlyq baǵdarlamany qarap, ár pánniń qıyn taqyryptaryna taldaý jasap jatyrmyz. Sol boıynsha nusqaýlyq jasap, mektepterge usynyp otyrmyz», - dedi komıtet basshysy.

Sondaı-aq, ol jazǵy mektepte bilim alý erikti túrde júrgiziletinin eskertti.

Oqýshynyń úlgerimin muǵalim emes, ata-anasy baǵalap, qajet dep tapsa, qosymsha oqytýǵa jaza alady.

«Qosymsha sabaqtar ata-ananyń qalaýymen ótkiziledi. Onyń formaty da ártúrli bolady. Keıbir mektepterde synyptar dástúrli formatta jumys isteýi múmkin nemese ár oqýshymen jeke jumys júrgizilýi múmkin. ıAǵnı, format oqýshynyń qandaı taqyrypty ıgermegenine baılanysty bolady», - dedi Maıra Meldebekova.