Jazǵy dızel otyny qaı óńirlerde qymbat

ASTANA. QazAqparat – Ulttyq statıstıka bıýrosy jazǵy dızel otynynyń óńirlerdegi baǵasyn atady, dep habarlaıdy QazAqparat.

Aqpan aıynda jazǵy dızel otynynyń 1 lıtriniń ortasha baǵasy 241 teńgeni qurady.

Óńirlik turǵyda joǵary baǵa Aqtóbe, Kókshetaý, Qostanaı, Óskemen, Semeı jáne Petropavl qalalarynda tirkeldi, onda janarmaıdyń bir lıtri orta eseppen 260 teńge turady.

Ózge óńirlerde jazǵy dızel otynynyń lıtri 230-240 teńge aralyǵynda satylyp jatyr.

«Aıta keteıik, qystyq dızel otynynyń aqpandaǵy baǵasy – lıtri úshin 630 teńge», - delingen Ulttyq statıstıka bıýrosynyń málimetinde.