Jazǵy demalysta ata-analardan qolhat alýdy qoıý kerek – Ashat Aımaǵambetov

NUR-SULTAN. QazAqparat – Jazǵy demalys ýaqytynda ata-analardan balalardyń qaýipsizdigi úshin qolhat alýdy qoıý kerek. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Bizde baıaǵydan qalyptasqan, biraq eshqandaı qajeti joq oqý jyly aıaqtalǵanda ata-analardan qolhat alý tájirıbesi bar. Árıne «Ony ne úshin alamyz? Onyń qandaı kómegi bar? Ol ne kerek?» degen suraqtar týyndaıdy. Onyń eshqandaı qajeti joq. Ata-analar ondaı qolhatty berse de, bermese de, jaz ýaqytynda balalaryna qalaı bolǵanda da ózi jaýap beredi. Jazǵy demalys ýaqytynda balanyń kúndelikti ómirin suraýdy qoıýýymyz kerek. Muǵalim 56 kún eńbek demalysynda bolsa, onda ol qalaı demalysta júrip jaýap beredi? Buǵan sońǵy núkte qoıylýy tıis», - dedi Ashat Aımaǵambetov respýblıkalyq pedagogıkalyq keńeste.

Sonymen qatar mınıstr respýblıkanyń barlyq mektebine 20 maýsymǵa deıin 2021-2022 jańa oqý jylyna arnalǵan jańartylmaıtyn oqýlyqtardy balalarǵa taratyp berýdi tapsyrdy.