Jazda jumys istegisi keletin balalardy esirtki taratýshylar paıdalanýy múmkin – ІІM
«Jazǵy demalys bastalysymen balalar ýaqytsha jumys izdeı bastaıdy. Muny esirtkini taratýshylar paıdalanýy múmkin, olar túrli ınternet-platformalarda jumys oryndary týraly jarnama jasap, qomaqty qarajatpen qyzyqtyrady. Osyǵan baılanysty azamattardan óz balalaryn nazardan tys qaldyrmaýdy jáne baqylaý jasaýdy suraımyz. Balalarǵa mundaı tabystyń qaýipti ekenin túsindirý kerek jáne jumys sıpatyn teksermeı, saıt ákimshisi, kýrer bolyp jumys isteý usynystaryn qabyldamaý kerek. Esirtkiniń zańsyz aınalymyndaǵy qylmys qataryna áleýmettik jeli paraqshasynda ákimshi bolý, ınternette esirtki týraly aqparat taratý jáne tasymaldaý da kiredi», - dedi QR ІІM baspasóz qyzmetiniń ókili Shuǵyla Turlybek mınıstrlik uıymdastyrǵan brıfıngte.
Zańnamaǵa sáıkes, mundaı qylmys úshin jaýapkershilik 16 jastan bastalady jáne 20 jylǵa deıin nemese ómir boıy bas bostandyǵynan aıyrý jazasy kózdelgen.