Jaz mezgilinde qandaı sýsyndar ishken durys

ASTANA. QazAqparat - Kún saıyn jetkilikti mólsherde sý tutyný aǵzanyń barlyq fýnktsııalaryn, sonyń ishinde as qorytý men metabolızmdi, qaldyqtardy joıýdy, sondaı-aq dene qyzýyn qalypty ustap turýdy jáne aǵza men tinderdiń densaýlyǵyn saqtaý úshin qajet.

Osy oraıda QR DSM Sanıtarlyq-epıdemıologııalyq baqylaý komıteti denedegi sýdyń jetispeýshiligin boldyrmaý úshin eresekterge de, balalarǵa da sý ishý tártibin durys uıymdastyrý jáne saqtaý mańyzdy ekendigin eske salady.

Qorshaǵan orta temperatýrasynyń joǵarylaýy kezindegi suıyqtyqtar men sýsyndardyń usynylatyn tizimi:

- salqyn, taza sý (qaınatylǵan nemese bótelkedegi) – shóldi qandyrý úshin eń jaqsy tańdaý, sýǵa lımon, qııar tilimderin nemese muz tekshelerin qosýǵa bolady;

- jasyl shaı da qantsyz nemese tuzsyz dám beretin qarapaıym sýǵa dámdi, sergitetin qosymsha bolyp tabylady;

- aqýyzǵa, kómirsýlarǵa, kaltsııge jáne elektrolıtterge baı sút jáne sút ónimderi dene belsendi bolǵanda nemese terlegen kezde joǵalǵan natrııdiń ornyn toltyrýǵa kómektesedi;

- jasyl kókónisti (qyryqqabat, shpınat, baldyrkók) nemese qaýyn, qarbyz jáne qııar sııaqty sý negizindegi jemister men kókónister qosylǵan jańa syǵylǵan shyryndar men smýzıler deneni ylǵaldandyra otyryp, paıdaly zattarmen qamtamasyz etedi;

Ystyqta tutynylatyn suıyqtyqtyń temperatýrasyn baqylaý mańyzdy, ol bólme temperatýrasynda bolǵany jón.

Qantty gazdalǵan, energetıkalyq jáne alkogoldi sýsyndardan aýlaq bolýǵa tyrysyńyz.

Sapasyz sý men sýsyndardy ishý tamaqtan ýlanýdy jáne jedel ishek ınfektsııasy, dızenterııa, A vırýstyq gepatıti jáne basqa da juqpaly aýrýlardy týdyrýy múmkin ekenin este saqtaý kerek. Sonymen qatar, qantty gazdalǵan sýsyndar men energetıkalyq sýsyndardy kóp tutyný semizdik, qant dıabeti jáne júrek-qan tamyrlary aýrýlarynyń qaýpiniń joǵarylaýymen baılanysty.