Jazda 4 mln astam jolaýshy el ishinde poıyzben júrgen

<p>ASTANA. KAZINFORM &ndash; &laquo;Jolaýshylar tasymaly&raquo; AQ jazǵy maýsymnyń qorytyndysyn shyǵardy. 2024 jyldyń maýsym-tamyz aılary aralyǵynda Ulttyq tasymaldaýshynyń poıyzdarymen 4 mln 207 myń jolaýshy tasymaldandy. Bul kórsetkish ótken jyldyń sáıkes kezeńimen salystyrǵanda 1,5%-ǵa joǵary. Bul týraly kompanııanyń baspasóz qyzmeti málim etti.&nbsp;</p>

Osy jazda respýblıkalyq mańyzy bar qalalar arasynda jolaýshylar aǵyny boıynsha Almaty kósh bastady — bul qaladan 730 myń adam jolǵa shyqty. Elordaǵa 580 myńnan astam jolaýshy kelse, Shymkentke 260 myńǵa jýyq jolaýshy sapar shekti.

Foto: «Jolaýshylar tasymaly» AQ baspasóz qyzmeti

Ulttyq tasymaldaýshy Býrabaı kýrorty baǵyty boıynsha elektr poıyzdarymen 130 myń jolaýshyny tasymaldady, bul kórsetkish ótken jylmen salystyrǵanda 11%-ǵa joǵary.

«Osy jazda Alakól jaǵalaýyna Astana, Almaty, Shyǵys Qazaqstan jáne Abaı oblystarynan, sondaı-aq, alǵash ret Qyzylordadan 12 baǵyt boıynsha poıyzdar júrdi. On baǵytta «Jolaýshylar tasymaly» AQ, al eki baǵytta jeke tasymaldaýshylar qyzmet kórsetti. Jolaýshylardyń jaılylyǵy úshin Ulttyq tasymaldaýshynyń poıyzdary aýa baptaý júıesimen jabdyqtalǵan vagondarmen qamtamasyz etildi. Jazǵy maýsymda Ulttyq tasymaldaýshynyń poıyzdarymen Alakólge 135 myńnan astam jolaýshy jetkizildi», - delingen habarlamada.

Qazirgi ýaqytta Qazaqstanda 144 baǵyt boıynsha poıyzdar júredi, onyń 103-i «Jolaýshylar tasymaly» AQ-ǵa, 31-i jeke kompanııalarǵa, al 10-y ózge temirjol ákimshilikterine tıesili.