Jaz maýsymynda kýrorttyq aımaqtarǵa qatynaıtyn reıster men poıyzdardyń sany artady

<p>ASTANA. KAZINFORM &ndash; Týrıstik maýsym qarsańynda QR Kólik mınıstrligi elimizdiń kýrorttyq aımaqtaryna qatynaıtyn áýe reısteri men temirjol poıyzdarynyń sanyn arttyrý sheńberindegi jumystardy jalǵastyryp jatyr.</p>

Mınıstrliktiń málimetinshe, Astana men Almatydan aptasyna 36 reıs jıiligimen Balqash jáne Alakól kólderine áýe reısteri oryndalady. Onyń ishinde ushaqtar 33 jıilikpen Alakólge, 3 jıilikpen Balqashqa deıin ushady.

Almaty qalasynan:

— Úrjarǵa deıin (sýbsıdııalanatyn reıs): aptasyna 7 ret «ıÝjnoe nebo» áýe kompanııasymen oryndalady. Sondaı-aq bıyl 1 shildeden bastap Qazaq Air áýekompanııasy aptasyna 4 reıs jıiligimen (seısenbi, beısenbi, juma jáne jeksenbi kúnderi) kommertsııalyq reısterdi iske qosady;

— Úsharalǵa deıin (sýbsıdııalanatyn reıs): aptasyna 10 ret «ıÝjnoe nebo» áýe kompanııasy oryndaıdy. Sonymen birge 16 maýsymnan bastap Qazaq Air áýe kompanııasy aptasyna 4 reıs jıiligimen (seısenbi, beısenbi, juma jáne jeksenbi kúnderi) kommertsııalyq reısterdi iske qospaq;

— Balqashqa deıingi kommertsııalyq reısterdi «ıÝjnoe nebo» áýekompanııasy oryndaıdy, aptasyna 3 reıs (sársenbi, juma, jeksenbi);

Astana qalasynan:

— Úrjarǵa 1 maýsymnan bastap Qazaq Air áýekompanııasy aptasyna 4 reıs jıiligimen (seısenbi, beısenbi, juma jáne jeksenbi kúnderi) kommertsııalyq reısterdi iske qosady;

— Úsharalǵa bıyl 16 maýsymnan bastap Qazaq Air áýekompanııasy aptasyna 4 reıs jıiligimen (seısenbi, beısenbi, juma jáne jeksenbi kúnderi) kommertsııalyq reısterdi iske qosýdy josparlap otyr.

Sonymen qatar Alakól kóliniń baǵytynda qosymsha 3 Talgo poıyzy men 3 standartty poıyz júre bastaıdy:

1.​№ 254/253 «Astana-Dostyq» (talgo);

2.​№ 211/212 «Almaty-Dostyq"(talgo);

3.№ 207/208 «Almaty-Dostyq"(talgo);

4.​№ 221/222 «Almaty-Dostyq"(standartty);

5.№ 457/458 «Semeı-Dostyq"(standartty);

6.​№ 459/460 «Óskemen-Dostyq» (standartty);

7.​№ 21/6942/6941/22 «Almaty-Dostyq» (tirkeme vagon);

8.​№ 21/6942/6941/22 «Qyzylorda-Dostyq» (tirkeme vagon);

Búgingi tańda atalǵan baǵyttarda úsh poıyz jolaýshylardy tasymaldaıdy. Atap aıtqanda, № 337/338 «Almaty-Dostyq», № 6941/6942 «Aqtoǵaı-Dostyq», № 53/54 «Astana-Dostyq» jáne «Astana-Dostyq» baǵytyndaǵy vagondar (№ 121/122 «Astana-Semeı» poıyzynyń quramynda, 3 kýpe vagon).

Jalpy sany 12 poıyz qatynaıdy.

 Sonymen qatar suranysqa ıe kelesi baǵyttar boıynsha kommertsııalyq poıyzdardy iske qosý qarastyrylyp otyr:

• № 201/202 Astana-Almaty
• № 203/204 Astana-Shymkent
• № 257/258 Oral-Astana

Qazirgi tańda qoldanystaǵy baǵyttar boıynsha jyljymaly quramdy jazǵy kezeńge daıyndaý jumystary júrgizilýde. Máselen, jeldetý jáne aýany baptaý júıelerin qaıta jańǵyrtý, aýa súzgilerin aýystyrý, sýmen jabdyqtaý júıesin jýý jáne dezınfektsııalaý, vagondardyń elektr jabdyqtaryn tekserý boıynsha is-sharalar atqarylyp jatyr. Sondaı-aq tambýrlardy, jylytý júıeleriniń qubyrlaryn jáne basqa da bólshekterdi syrlaý ári vagon shanaqtaryn jýý jumystary júrgizilip jatyr.