Jaıylymdy kıikten qorǵaý úshin úrkitetin nysandar salynyp, qudyqtar qazylady

ASTANA. QazAqparat – Premer-Mınıstr Álıhan Smaıylov Senat depýtattarynyń saýalyna joldaǵan jaýabynda jaıylymdardy kıikterden qorǵaý baǵytynda qandaı sharalar qabyldanatynyn aıtty, dep habarlaıdy QazAqparat tilshisi.

«Jaıylymdardy kıikten qorǵaý máselesin sheshý úshin qazirgi ýaqytta qorqytý qurylystaryn ornatý máselesi pysyqtalyp jatyr. Bul aýyl sharýashylyǵy jerlerin búlinýden qorǵaýǵa múmkindik beredi. Sonymen qatar, taýarlyq daqyldardy kıikterdik búlinýden qorǵaý maqsatynda kıik úshin olardyń tabıǵı mekendeý oryndarynda jasandy sýarý qudyqtaryn qurý josparlanǵan», - dep jazady Úkimet basshysy.

Sondaı-aq, kıik sýaty retinde jasandy sý qoımalary salynbaq.

«Osylaısha, qudyqtar men basqa da jasandy sý qoımalarynyń qosymsha jelisin salý kıikterdiń sanyn shóleıt aımaqtyń aýmaǵyna birkelki bólýge múmkindik berýi kerek, bul janýarlardyń eginshilik aımaǵyna ótýine kedergi keltiredi», - dep jazylǵan jaýapta.