Jaıylymdar máselesin retteıtin zań jobasy Senatqa jiberildi
«Zań jobasy boıynsha 11 jumys tobynyń otyrysy ótkizildi. Sondaı-aq jaıylymdar máslesine qatysty óńirlerde jıi kóterilip júrgen ózekti problemalardy talqylaý maqsatynda elimizdiń Ońtústik, Soltústik jáne Shyǵys aımaqtarynda jumys toby músheleriniń jáne úkimettik emes uıymdardyń, ǵalymdardyń qatysýymen komıtettiń kóshpeli otyrystary ótkizildi. Zań jobasyn talqylaý barysynda depýttardan, ÚEU-lar, saıası partııalar jáne aımaqtardaǵy qoǵamdyq keńester tarapynan 100-den usynystar men ózgertýler kelip tústi»,-dedi zań jobasy boıynsha baıandama jasaǵan depýtat Jeksenbaı Dúısebaev.
Olardyń negizgi sıpaty zań jobasynyń jekelegen normalaryn naqtylaýǵa, mazmunyn jaqsartýǵa baǵyttalǵan, onyń ishinde jaıylym týraly uǵymnyń mazmuny keńeıtildi, jaıylymnyń ınfraqurylym nysandary týraly uǵymǵa elektr jáne jylý energııasyn qamtamasyz etýge arnalǵan ǵımarattar, balamaly energııa kózderi, sýmen jabdyqtaý nysandary engizildi. Aýyspaly jaıylym týraly uǵym naqtylandy.
«Zań jobasy jaıylymdardy túbegeıli jaqsartý týraly jańa uǵymmen tolyqtyryldy. Aýdandyq jergilikti atqarýshy organnyń, aýyldyq okrýg ákimderiniń ózin-ózi basqarý júıesiniń quzyretteri tolyqtyrylyp, pysyqtaldy. Sonymen qatar ol oblystyq jergilikti atqarýshy organnyń quzyreti, jaıylymdar týraly zańnamanyń qaǵıdalary men uqypty paıdalaný normalary jóninde jańa baptarmen tolyqtyryldy»,-dedi depýtat.