Jaıyqta balyqtyń qyrylýyna «Atyraý sý arnasy» kináli - ІІM

NUR-SULTAN. QazAqparat - «Atyraý sý arnasy» kommýnaldyq memlekettik kásiporny quramynda hlory kóp sýdy Jaıyq ózenine aǵyzýy balyqtyń qyrylýyna sebep bolǵan. Bul jaıynda QR Іshki ister mınıstrliginen málim etti, dep habarlaıdy QazAqparat tilshisi.

Buǵan deıin Jaıyqtaǵy balyqtardyń jappaı qyrylý faktisi boıynsha Atyraý oblystyq polıtsııa departamenti 2 qylmystyq isti tirkep, olar QR ІІM tergeý departamentine berilgenin habarlaǵan edik.

Osy jyldyń 28 mamyrynda QR Іshki ister mınıstrligi sotqa deıingi tergeý sharalaryn aıaqtap, protseske qatysýshylardy qylmystyq istiń materıaldarymen tanystyrýdy bastaǵan. Tergeý sharalary barysynda «Atyraý sý arnasy» KMK quramynda hlory kóp sýdy Jaıyq ózenine aǵyzýy balyqtardyń qyrylýyna sebep bolǵany anyqtalǵan.

«Qazirgi ýaqytta dırektor, onyń orynbasary jáne «Atyraý sý arnasy» MKK sý tazartý stansasynyń bastyǵy QR QK 328-baby, 3-bólimi (sýdyń ústińgi qabatyn lastaý, sonyń saldarynan qorshaǵan ortaǵa asa iri mólsherde zııan tıgizý) jáne QK 204-baby, 2-bólimi (bótenniń múlkin joıý, asa iri mólsherde zııan keltirý) boıynsha kúdikti dep tanyldy. Sondaı-aq kásiporyn basshysyna qatysty qosymsha QK 371-baby (uqypsyzdyq) boıynsha qylmystyq is tirkeldi», - dep atap ótti mınıstrlikten.