Jaıyq ózeni boıymen dástúrli qazaqstandyq-reseılik tarıhı-mádenı ekologııalyq ekspedıtsııa márege jetti
dep habarlaıdy QazAqparat tilshisi.
BQO-nyń Bórli aýylynda bastalǵan joryqtyń negizgi bóligi Orynbor oblysy aýmaǵynda uıymdastyryldy. Munda joryqqa qatysýshylar 95 shaqyrymǵa sozylǵan Irıklın sý qoımasynan Orsk qalasyna deıin qaıyqpen júzip ótti. Sharaǵa eki eldiń týrısteri men ólketanýshylary, sportshylary, ǵalymdary men jazýshy-jýrnalısteri, qoǵamdyq uıymdar ókilderi qatysty.
Uly Jeńistiń 65 jyldyǵy men Qazaqstan Konstıtýtsııasynyń 15 jyldyǵyna arnalǵan sý joryǵy kezinde ózen boıyndaǵy eldi mekender turǵyndarymen kezdesýler uıymdastyrylyp, ekologııalyq is-sharalar ótkizildi. Qatysýshylardyń bári de Jaıyqtyń sýy taıyzdalyp, balyq qory azaıyp, qoqysqa toly ózen jaǵasy lastanǵanyp bara jatqanyn kózderimen kórip, júrekterine túıdi.
Ekspedıtsııa jetekshisi, QR Parlamenti Májilisiniń depýtaty Elena Tarasenkonyń atap ótkenindeı, Jaıyqty qutqaryp qalý úshin kúsh biriktirip, shuǵyl sharalar alý qajet.