Jaınamazdy tepken tarazdyq jattyqtyrýshy jumystan qýyldy
Bul týraly oblystyq sport basqarmasynyń basshysy Nurbol Júnisbekov málimdedi. Buǵan deıin ınstagram əleýmettik jelisindegi @Taraz_life paraqshasynda namaz oqyp jatqan balany balaǵattaǵan muǵalimniń vıdeosy taraǵan bolatyn. Osy məselege baılanysty jýrnalısterdiń suraǵyna basqarma basshysy:
«Əleýmettik jelide taraǵan vıdeodaǵy oqıǵa boıynsha tekserý jumystary júrgizilip, eki jaqtan da túsinikteme alynyp, jaýapty azamattar jazalanatyn bolady» - dep jaýap berdi.
Qazirgi ýaqytta atalǵan oqıǵa boıynsha jumys júrgizilip, vıdeodaǵy fýtbol bóliminiń jattyqtyrýshysy 1966 jyly týǵan Almat Baetov Seıtnasımuly ekeni anyqtaldy. Ol - 33 jyldyq təjirıbesi bar joǵarǵy sanatty jattyqtyrýshy. Oblystyq mamandandyrylǵan sporttaǵy daryndy balalar mektep-ınternatynda 2011 jyldan bastap jumys atqarýda.
Jattyqtyrýshy A.Baetovtyń is-əreketi pedagogıkalyq tərbıege saı kelmegendikten jumystan bosatyldy. Sonymen qatar, dinı kózqaras boıynsha máselelerge zerdeleý júrgiziledi. Oqıǵa Taraz qalasyndaǵy "Atletık" sport kesheninde oryn alǵan.