«Jaıly mektepterdiń» oqýshylary býllıngten qalaı qorǵalady – vıtse-mınıstr jaýaby

ASTANA. QazAqparat – Oqý-aǵartý vıtse-mınıstri Aıbat Іlııasov «Jaıly mektepterdiń» oqýshylary býllıngten qalaı qorǵalatynyn aıtty, dep habarlaıdy QazAqparat tilshisi.

«Qazir bizde balalar arasyndaǵy býllıng máselesi óte ózekti. «Jaıly mektepterdiń» qalypty mektepterden bir aıyrmashylyǵy – bastaýysh synyptar men eresek synyptardyń kirip-shyǵatyn esigi jeke-jeke bolady. ıAǵnı, ártúrli blokta bolady. Olar bir-birimen mektep ishinde kezdespeıdi. Bastaýysh synyp oqýshylarynyń óz sport zaly, óz dárethanasy, óz ashanasy bar», - dedi ol Májiliste ótken «Jaıly mektep» ulttyq jobasyna qatysty jıynnan keıin.

Vıtse-mınıstr ulttyq joba aıasynda salynatyn mektepterdiń syrty men aýmaǵyn aınala kameralar ornatylatynyn aıtady.

«Mektepterdiń ishinen bólek syrtyn aınala beınekameralar ornatylady. Mektep aınalasynan basqa búkil aýmaqtyń syrtynan da kamera ornatylady. Qazir mınıstrlikpen birge ákimdikter osy baǵytta jumys istep jatyr», - dedi Aıbat Іlııasov