Jaıly mektepter ulttyq naqyshta salynady
«Jaıly mektep» ulttyq jobasy aıasynda salynatyn mektepterde ulttyq naqysh bolady. Merdiger kompanııalarǵa mundaı shartty biz qoıyp otyrmyz. Mekteptiń ıntereri, dızaıny men sáýletin jobalaǵanda ulttyq naqyshta birqatar elementtiń bolýy talap etiledi. Sonymen qatar, jaıly mektepterdi salýǵa otandyq úzdik ınjenerler, sáýletshiler men dızaınerlerdi tartý josparda. Zamanaýı tehnologııalar qoldanylady. Jobalyq-smetalyq qujattardy ázirleý ashyq konkýrs negizinde ótedi», - dedi Máýlen Aımanbetov «Jaıly mektep» jobasyn iske asyrýdy talqylaý barysynda.
Sondaı-aq, jaıly mektepterde erekshe balalarǵa tolyq jaǵdaı jasalmaq.
«Elimizdegi mektepterdiń deni Keńes zamanynda salynǵan, kópshiligi erekshe balalar úshin qolaısyz. Jaıly mektepterde barlyq oqýshynyń qajettilikteri eskeriledi, ıaǵnı kedergisiz, yńǵaıly keńistik jáne pandýs, lıfti, dárethana bolady. Sonymen qatar, ár mektepte ınklıýzıvti bilim berý kabıneti bolýy kerek. Munyń bári balalardy qoǵamǵa jaqsyraq beıimdelýine qajet alǵysharttarmen qamtamasyz etedi», - deıdi ol.
Aıta ketsek, 2025 jylǵa qaraı el aýmaǵynda 842 myń oryndyq 401 jaıly mektep ashý josparlanyp otyr. Ol mektepterdegi oryndardyń sany 300-den bastalyp 2500-ge deıin jetedi.