Jaıly mektep jobasyna 2,6 trln teńge bólinedi

NUR-SULTAN. QazAqparat – «Jaıly mektep» jobasyn iske asyrý úshin aldaǵy úsh jylda 2,6 trln teńge bólinedi. Bul týraly Májiliste «2023-2025 jyldarǵa arnalǵan respýblıkalyq bıýdjet týraly» zań jobasyn tanystyrǵan Qarjy vıtse-mınıstri Tatıana Saveleva aıtty, dep habarlaıdy QazAqparat tilshisi.

«Joldaýdyń pysyqtalý deńgeıi joǵary is-sharalary 2023-2025 jyldarǵa arnalǵan bıýdjet jobasynda kórinis tapty. Bul - «Jaıly mektep« jańa ulttyq jobasy. Joba ázirlendi jáne kelisý satysynda tur. Ony iske asyrýǵa úsh jyldyq kezeńge arnalǵan bıýdjet jobasynda 2,6 trln teńge kózdelgen», - dedi ol.

Vıtse-mınıstrdiń aıtýynsha, 2019 jyly Jambyl oblysynda sátti júzege asyrylǵan halyqtyń tabysyn arttyrý jobasy keńeıtiledi. Ony kezeń-kezeńimen keńeıtý úshin bıýdjet jobasynda úsh jylǵa 117 mlrd teńge qarastyrylǵan.

«2025 jylǵa qaraı jaqsy jaǵdaıdaǵy jergilikti joldardyń úlesin 95 paıyzǵa deıin jetkizý maqsatyndaǵy shyǵystardy jergilikti atqarýshy organdar jalpy sıpattaǵy transfertter aıasynda kózdep otyr», - dedi Tatıana Saveleva.