«Jaıly mektep» jobasy oryn tapshylyǵy máselesin tolyǵymen sheshedi - mınıstr

ASTANA. QazAqparat – «Jaıly mektep» ulttyq jobasy aıasynda keminde 800 myń oqýshy orny ashylady. Bul týraly Ortalyq kommýnıkatsııalar qyzmetinde ótken brıfıngide Oqý-aǵartý mınıstri Ashat Aımaǵambetov málim etti, dep habarlaıdy QazAqparat tilshisi.

«Búgingi kúni elimizde mektepterdegi oqýshy ornynyń tapshylyǵy 200 myńnan asady. Boljam boıynsha 2025 jylǵa qaraı jalpy qajettilik 1 mln orynǵa jetedi. Ulttyq joba aıasynda keminde 800 myń oqýshy orny ashylady. Bul oqýshy ornynyń tapshylǵy, úsh aýysymda oqıtyn jáne apatty mektepterdiń máselesin tolyǵymen sheshedi. «Jaıly mektep» jobasy aıasynda mektepterdi salý men jabdyqtaýdyń biryńǵaı standarty jumys isteıdi. Joba aıasynda ashylǵan mektepter zamanaýı pán kabınetterimen, zerthanalarmen tolyq qamtamasyz etiledi», - dedi mınıstr.

Onyń aıtýynsha, jańa mektepterde oqý baǵdarlamasyna sáıkes, oqý alańdary keńeıtiledi. Sondaı-aq, mektepterde oqý zerthanalary, robototehnıka kabınetteri, sport zaldary, ámbebap sheberhanalar men stýdııalar bolady.