«Jaıly mektep» aıasynda salynatyn mekteptiń nesheýi qazaq tilinde bilim beredi – Mınıstrlik jaýaby

ASTANA. QazAqparat – «Jaıly mektep» aıasynda salynatyn mektepterdiń bilim berý tili áli aıqyndalmaǵan. Oqý Aǵartý vıtse-mınıstri Edil Ospan Májiliste ótip jatqan «Amanat» partııasynyń fraktsııasynyń keńeıtilgen májilisinde osyndaı málimet berdi, dep habarlaıdy QazAqparat tilshisi.

«Ulttyq joba aıasynda salynatyn «jaıly mekteptiń» nesheýi qazaq tilinde bilim beredi? Bul jobanyń ishinde aralas, orys tilinde bilim beretin mektepter bar bolsa, jergilikti halyqtyń ótinishi boıynsha bilim berý tili ózgerýi múmkin be?» - dep surady Májilis depýtaty Rınat Zaıytov.

Mınıstrlik ókiliniń aıtýynsha, bul másele boıynsha áli túbegeıli sheshim qabyldanǵan.

«Mektepterdiń tili áli aıqyndalmaǵan. Qurylys endi bastaldy. Jergilikti halyqtyń, turǵyndardyń pikirin eskere otyryp sheshim qabyldanatyn bolady», - dedi vıtse-mınıstr.

Aıta keteıik, Májiliste «Jaıly mektep» ulttyq jobasyn iske asyrý máseleleri talqylanyp jatyr.