«Jaıly mektep» aıasynda salynatyn mektepter sany nege azaıdy

ASTANA. QazAqparat – «Jaıly mektep«baǵdarlamasy arqyly salynatyn mektepter sany 401-den 369-ǵa deıin qysqartylǵan. «Samruk-Kazyna Construction» AQ basqarma tóraǵasy Máýlen Aımanbetov nelikten mundaı sheshim qabyldanǵanyn túsindirdi, dep habarlaıdy QazAqparat tilshisi.

Bul másele Oqý-aǵartý mınıstrligine kóbirek qatysty. Biraq dırektsııa retinde biz de habardarmyz. Qazir ońtaılandyrý protsesi júrip jatyr, ósim perspektıvasy degen túsinik bar. Shamamen 32 mektep kishireıtildi, al keıbiri múldem alynyp tastaldy

, - dedi Máýlen Aımanbetov kompanııada ótken brıfıngide.

Spıkerdiń aıtýynsha, bul ótinim boljam retinde berilgen.

Al óńirlerge barǵan kezde jospardy qaıta qaradyq, qajettilik joq jerlerdi baıqadyq. Elestetip kórińizshi, biz mektep salamyz, onyń tek 40% balamen tolady. Bizge mundaı mekteptiń qajeti bar ma? Keı jerde logıstıka boıynsha eki shaqyrymnan aspaıtyn aýmaqta qoljetimdi etip jasadyq

, - dep túsindirdi ol.

Buǵan deıin «Jaıly mektep» jobasyn júzege asyrýǵa 2,6 trln teńge bólinetini habarlanǵan bolatyn.

Eń kóp «jaıly mektepter» Almaty, Túrkistan, Mańǵystaý oblystarynda, Shymkent, Astana jáne Almaty qalalarynda salynady. Qalǵan mektepter shaǵyn qalalardy qosa alǵanda, tutas Qazaqstan boıynsha birkelki bólinedi.