Jaıly, salqyn, ádemi – jolaýshylar áýejaıdyń jańa terımnaly týraly aıtty

<p>ALMATY. KAZINFORM &ndash; Almaty áýejaıynyń jańa halyqaralyq termınalyna kelgen alǵashqy reısterdiń jolaýshylary áserlerimen bólisti.&nbsp;</p>

«Almatyda turamyz búgin Dohaǵa ushyp baramyz.Balalarymyzdy oqý jylynyń aıaqtalýymen jáne jazǵy demalystyń bastalýymen quttyqtaıyq dep sheshtik. Biz jańa termınaldyń alǵashqy jolaýshylary boldyq. Jańa, salqyn, ádemi, taza. Bul óte jaıly. Oryn kóp, yńǵaıly. Kóp rahmet. Bizdiń qalamyzdaǵy mundaı jaıly jerler turǵyndar úshin kóbirek bolady dep úmittenemin», - dedi Almaty-Doha reısiniń jolaýshysy Evgenııa Kýfeldt. 

Foto: Almat ákimdigi

Almatylyq Nurlan Myrzagúlde otbasymen birge Dohaǵa jol tartty. 

«Bizdiń ushýymyz ekinshi termınal áýejaıynyń ashylýymen sáıkes keldi. Óte baqyttymyz. Áýejaı óte keremet,unady. Barlyǵy sypaıy, jaqsy. Eshqandaı kezek joq. Dızaın keremet, salqyn, sheteldik, eýropalyq úlgide. Bári yńǵaıly», - dedi ol. 

Foto: Almaty ákimdigi

London-Almaty reısiniń jolaýshysy Karlos Santos Almatyǵa demalys kúnderi týystarymen birge ushyp keldi. Bul onyń bizdiń qalaǵa alǵashqy sapary, al alǵashqy áser umytylmastaı boldy.

«Óte ádemi, barlyq keremet, jaqsy qarsy aldy. Estelikke syılyqtar berdi. Bul óte keremet. Men mundaı qonaqjaılylyqty kútpedim. Men áýejaılarda mundaıdy áli kezdestirgen emespin», - dedi týrıst.

Aıta keteıik, búgin Almaty áýejaıynyń jańa termınaly alǵashqy reısterdi qabyldady. 

31 mamyr kúni Almatyǵa jumys saparymen kelgen Prezıdent Almaty áýejaıynyń jańa halyqaralyq termınalyn aralap kórgen bolatyn. 

Buǵan deıin, megapolıstegi áýejaı ǵımaratyn jańartý kezinde tarıhı qurylymy saqtalatyny týraly jazǵan edik. Aıta keteıik, áýejaı ótken ǵasyrdyń 30-jyldarynda erekshe sáýlettik stılimen salynǵan biregeı nysan. 

Sondaı-aq zamanaýı dızaınmen qaıta jańartylǵan nysanǵa 200 mln dollar ınvestıtsııa tartylǵany týraly aıtqan bolatynbyz. 

Eske salaıyq, 2020 jyly Almaty áýejaıy túrik kompanııasyn 415 mıllıon dollarǵa satylǵan edi.