«Jaıly mektepterge» tek otandyq jıhaz satyp alynady

<p>&laquo;Samruk-Kazyna Construction&raquo; AQ basqarma tóraǵasynyń birinshi orynbasary Ǵabıt Malǵazdarov &laquo;Jaıly mektep&raquo; jobasy aıasynda salynatyn bilim oshaqtaryna tek otandyq jıhaz satyp alyntyndyǵyn aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Búginde qyzý talqyǵa túsip turǵan negizgi máselege toqtala keteıin. Ol - jobaǵa otandyq taýar óndirýshilerdiń qatysýy. Áleýmettik jelide bizdi «otandyq taýar óndirýshilerdiń qatysýyna kedergi keltirip otyr» degen aqparat taraýda. Barlyq jaýapkershilikpen munyń bári ósek-aıań ekendigin, shyndyqqa saı kelmeıtindigin málimdeımin. «Samruk-Kazyna Construction» otandyq taýar óndirýshilerdi qoldaýǵa mindetteme alady», - dedi ol «Samuryq-Qazyna» qorynyń baspasóz qyzmeti alańynda ótken baspasóz máslıhatynda.

Osy oraıda ol «Jaıly mektep» ulttyq jobasy respýbılkalyq bıýdjetten jáne Ulttyq qor qarajaty esebinen qarjylandyrylatyndyǵyna nazar aýdartty.

«Sol sebepti, bul qarajat elimizdiń ekonomıkasyna jumys isteýi tıis. Biz muny tolǵymen qoldaımyz. Bizden «qandaı kepil bar?» dep suraıdy. Eń aldymen, Úkimettiń qaýlysynda «Samruk-Kazyna Construction» mindeti «Samruk-Kazyna», «Atameken» UKP tizilimine engen jáne ST-KZ sertıfıkaty bar otandyq taýar óndirýshilerden ǵana jıhaz ónimderin satyp alýy kerektigi naqty belgilengen», - dedi Ǵabıt Malǵazdarov.