Jaıly mektepterdiń kóbi qaı óńirlerde salynady

<p>ASTANA. KAZINFORM &ndash; Elimizde jaıly mektepterdiń qaı óńirlerde kóp salynatyny belgili boldy. Aıta ketsek, &laquo;Jaıly mektep&raquo; ulttyq jobasy qalalarmen qatar aýyldyq jerlerde de júzege asyrylady.</p>

«Jaıly mektepterdiń qaı óńirlerde jáne qansha mektep salynýy kerektigin Oqý-aǵartý mınıstrligi men jergilikti atqarýshy organdar belgileıdi. Aıta ketsem, 369 jaıly mekteptiń 169-y (44%) aýyldyq jerlerde salynady», - dedi «Samruk-Kazyna Construction» AQ tóraǵasynyń birinshi orynbasary Ǵabıt Malǵajdarov ulttyq kompanııada ótken qoǵamdyq keńes barysynda.

Spıkerdiń málimetinshe, jaıly mektepterdiń kóbi Túrkistan oblysy (63 mektep), Almaty oblysy (53), Mańǵystaý oblysynda (23) jáne respýblıkalyq mańyzy bar Astana, Almaty jáne Shymkent qalasynda salynady.

Buǵan deıin bıyl 1 qyrkúıekte qansha jaıly mektep paıdalanýǵa beriletini týraly habarlaǵan edik. Odan bólek, «Samuryq-Qazyna» AQ ókili jaıly mektepter qurylysyna otandyq ónimdi qoldanbaǵan merdiger kompanııalarǵa aıyppul qarastyrylǵanyn aıtty.

Sondaı-aq, spıker jaıly mektepter men tıptik mektepterdiń basty aıyrmashylyqtaryna toqtalyp ótti.