«Jaıly mektepterdiń» aqshasyna kóptegen arzan mektep salýǵa ne kedergi – «Samruk-Kazyna Construction» jaýaby

<p>ASTANA. KAZINFORM &ndash;&nbsp; &laquo;Jaıly mektepterge&raquo; jumsalyp jatqan mıllıardtaǵan aqshaǵa odan arzan kóptegen mektep salýǵa bolmas pa edi? &laquo;Samruk-Kazyna&raquo; AQ qoǵamdyq keńesiniń otyrysynan keıin kompanııa basshysyna osyndaı suraq qoıyldy.</p>

Máýlen Aımanbetov buǵan mekteptiń sanynan sapasy mańyzdy degen ýáj aıtty.

«Bizdiń 1200 oryndyq mektepter paıdaly aýmaǵy jaǵynan tipti 2,7 paıyz arzan shyǵady. Al tehnıkalyq jabdyqtalýy eki ese joǵary. Tipti Binom mektepterimen salystyrǵannyń ózinde bizdiń mektepter eń zamanaýı, jaıly bolyp tur. «Jaıly mektepti» qymbatqa salǵansha arzan, dárethanasy syrtynda ornalasqan mektepterdi kóbirek salý kerek edi degenge kelsek, bizge naqty tańdaý kerek. Bizge sapaly bilim kerek pe álde mekteptiń sany kerek pe? Bizdiń mektepterdiń aýyldaǵysynyń qaladaǵysynan aıyrmasy joq. Osyǵan umtylýymyz kerek. Mundaı mektepter esh jerde joq deýge bolady», - dedi ol.

Oqý aǵartý mınıstrliginiń málimeti boıynsha, «Jaıly mektep» ulttyq jobasyn iske asyrýǵa memlekettik bıýdjetten 2,6 trln teńge qarajat qarastyrylǵan. Onyń ishinde Ulttyq qordan 646 mlrd teńge, respýblıkalyq bıýdjetten 1,9 trln teńge beriledi.