«Jaıly mektep» jobasy aıasynda salynyp jatqan nysandardyń qurylysy toqtatyla ma

<p>&laquo;Jaıly mektep&raquo; jobasy aıasynda salynyp jatqan nysandardyń qurylysy bekitilgen josparǵa saı júrgizilip jatyr. Bul týraly &laquo;Samruk-Kazyna Construction&raquo; AQ-tan málim etti, dep habarlaıdy Kazinform tilshisi.</p>

«Jaıly mektep» pılottyq ulttyq jobasy 2023-2025 jyldary aralyǵynda júzege asyrylady. Bilim oshaqtaryn salyp, qoldanysqa tapsyrý eki kezeńde júrgiziledi. Birinshi kezeń 2023-2024 jyldardy qamtıdy. Bul aralyqta el boıynsha 208 bilim oshaǵyn halyq ıgiligine tapsyrý kózdelip otyr. Taǵy 151 mekteptiń qurylysy 2024 jyly bastalyp, 2025 jyly qoldanysqa beriledi. Búginde bolashaq 208 mekteptiń jer ýchaskeleri bólinip, qurylysqa daıyndyq jumystary tolyǵymen aıaqtaldy», — dep atap ótti kompanııadan agenttiktiń resmı saýalyna oraı.

Usynylǵan málimetke sáıkes, ulttyq joba bekitilgen josparǵa saı júzege asyrylyp jatyr.

«Nysandardy konservatsııalaý josparlanbaǵan. Bolashaq mektepterdiń jobalyq-smetalyq qujattamasy «Memsaraptama» RMK qortyndysyn alǵannan keıin qurylys jumystary jalǵasyn tabady», — dedi «Samruk-Kazyna Construction» AQ-tan.