«Jaıly mektep» ulttyq jobasy: Shymkentte 18 mektep salynady

<p>ShYMKENT. KAZINFORM &ndash; &laquo;Jaıly mektep&raquo; Ulttyq jobasy aıasynda Shymkentte 28 myń oqýshyǵa arnalǵan 18 mektep salý josparlanǵan. Onyń ekeýi qoldanysqa berildi, 10-y salynyp jatyr. Bul týraly qala ákimi Ǵabıt Syzdyqbekov aıtty.</p>

«Qazir qalada 13 eldi mekende mektep joq jáne 21 mektepte oryn tapshylyǵy bar. Prezıdentimizdiń bastamasymen júzege asyrylyp jatqan «Jaıly mektep» Ulttyq jobasy aıasynda qalada 28 myń oqýshyǵa arnalǵan 18 mektep salý josparlanǵan. Onyń ishinde 3200 oryndyq 2 mektep paıdalanýǵa tapsyrylyp, 10 mekteptiń qurylysy júrgizilýde. Sonymen qatar, «Bilim berý ınfraqurylymyn qoldaý qorynan» 3 mekteptiń qurylysyna 7,9 mlrd teńge qaraldy. Odan bólek, ınvestorlardyń jeke qarajaty esebinen 2 800 oryndyq 5 mektep paıdalanýǵa berildi», - dedi qala ákimi OKQ alańynda.

Ǵabıt Syzdyqbekovtiń aıtýynsha, Prezıdentimizdiń tapsyrmasyna sáıkes, Turan shaǵyn aýdanynda 500 oryndyq Oqýshylar saraıynyń qurylysy 80 paıyzǵa oryndalǵan. Bıyl 4 mektep, 1 kolledjge kúrdeli jóndeý jumystary júrgizilýde, atalǵan nysandar jyl sońynda iske qosylady.

Sondaı-aq, megapolıs basshysy jastardyń joǵarǵy oqý oryndarynda sapaly bilim alýyna jaǵdaı jasaý maqsatynda jergilikti bıýdjetten 285 grant bólingenin aıtty.

Aıta keteıik, buǵan deıin qala basshysy Shymkentte óńdeý ónerkásibi salasynda 12 joba iske qosylyp, 1000-nan astam jańa jumys orny ashylǵanyn aıtqan bolatyn.

Sondaı-aq, qalada jańadan 2 ındýstrııalyq aımaq iske qosylǵany aıtyldy.

Odan bólek, Shymkentte elimizdegi eń úlken jylyjaı salynatyn boldy.