«Jaıly mektep»: Pavlodarda jańadan 5 bilim uıasy salynady

<p>PAVLODAR. KAZINFORM - Eki mektep bıyl paıdalanýǵa berilse, ózgesi keler jyldyń enshisinde qaldyryldy. Jańa ǵımarattar tapshylyq qalyptasqan aýdandarda salynady.</p>

«Samruk-Kazyna Construction» AQ Pavlodar oblysy ákimdigimen «Jaıly mektep» ulttyq jobasyn iske asyrý máselelerin talqylady. Oblys ortalyǵynda 2023-2025 jyldary 5 mektep salý josparlanǵan. Eki mektep bıyl paıdalanýǵa beriledi, olar - «Dostyq» shaǵyn aýdanynda 1200 oryndyq jáne Gagarın kóshesindegi 600 oryndyq №47 mektep. ⠀

«Jobany iske asyrýdyń ekinshi kezeńinde, ıaǵnı, 2025 jyly taǵy 3 mektep ashylady. Olar oqýshy oryndarynyń negizgi tapshylyǵy qalyptasqan «Jastar», «Ýsolka» shaǵyn aýdandarynda jáne taǵy bir mektep «Shyǵys» shaǵyn aýdanynda boı kóteredi. ⠀

«Ulttyq joba óziniń aýqymy men mańyzy boıynsha buryn-sońdy bolmaǵan. Bizdiń mindetimiz - barlyq nysandardy jer ýchaskelerimen jáne tıisti ınfraqurylymmen qamtamasyz etý», - dep atap ótti oblys basshysy Asaıyn Baıhanov.