Jaıly mektep qurylysyna otandyq ónimdi qoldanbaǵandarǵa aıyppul salynady

<p>ASTANA. KAZINFORM &ndash; &laquo;Samruk-Kazyna Construction&raquo; AQ tóraǵasynyń birinshi orynbasary Ǵabıt Malǵajdarov ulttyq joba aıasynda salynatyn jaıly mektepterdiń tıptik mektepterden aıyrmashylyǵyn atady.</p>

«Jaıly mektepterdiń tıptik mektepterge qaraǵanda birinshi aıyrmashylyǵy – qural-jabdyqpen qamtylýy. ıAǵnı qazirgi tıptik mektepterdiń qajetti jabdyqtarmen qamtylýy 6%, al jaıly mektepterde ol kórsetkish 15-20%-ǵa artady. Ol degenimiz kompıýterler, uıymdastyrý tehnıkalary, ınteraktıvti taqtalar, robototehnıka kabıneti jáne taǵy basqa. Kelesi aıyrmashylyǵy, qazirgi tıptik mektepterde bir ǵana sportzal bar, al jaıly mektepterde onyń sany 2-den 4 sportzalǵa deıin kóbeıedi», - dedi Ǵabıt Malǵajdarov «Samuryq-Qazyna» AQ-nyń qoǵamdyq keńesi barysynda.

Sondaı-aq, spıkerdiń málimdeýinshe jaıly mektepterde erekshe ıaǵnı ınklıýzıvti bilim alatyn balalarǵa jaǵdaı jasalady.

«Jaıly mektepterdiń qurylysy otandyq ónimderden bolýy týraly mindet júkteldi. Qazir qazaqstandyq óndirýshilerdiń úlesi – 71%. Sonymen qatar mektep jıhazy da tolyqtaı qazaqstandyq ónim bolýy tıis. Bul talap Úkimettiń qaýlysymen bekitilgen. Ol úshin merdiger kompanııa otandyq óndirýshilermen shart jasasý kerek jáne ony biz «Atameken» ulttyq kásipkerler palatasymen birlesip tekseremiz. Talap oryndalmaǵan jaǵdaıda merdiger kompanııaǵa qarjy bólinbeıdi jáne aıyppul salynady», - deıdi ol.