«Jaıly mektep»: Atyraýda 12 bilim ordasy salynyp jatyr

<p>ATYRAÝ. KAZINFORM &ndash; Atyraý qalasynda &laquo;Jaıly mektep&raquo; ulttyq jobasy aıasynda 12 bilim ordasynyń qurylysy júrip jatyr. Onyń ishinde byltyr 9, bıyl 3 mekteptiń qurylysy bastalǵan.</p>

Atyraý oblysynyń ákimi Serik Shápkenovtiń málimetinshe, bilim ordalary munaıly shahardaǵy Bereke, Saryózek, Juldyz-2, Juldyz-3, Aqsaı jáne Vodnıkov eldi mekenderinde salynyp jatyr. 

Foto: Atyraý oblysynyń ákimdigi

«Memleket basshysy ár oqýshynyń sapaly bilim alyp, jan-jaqty damýy úshin qolaıly jaǵdaı jasaýdy tapsyrdy. Osy maqsatta qolǵa alynǵan «Jaıly mektep» ulttyq jobasy aıasynda bilim oshaqtary aýylda da, qalada da jańa biryńǵaı standart boıynsha salynady. Jańa nysandar paıdalanýǵa berilgende, óńirdegi úsh aýysymdy jáne apatty mektepter joıylady. Sondyqtan, qurylys sapaly júrgizilip, ýaqytyly aıaqtalýy tıis», - dedi Serik Shápkenov. 

Foto: Atyraý oblysynyń ákimdigi

Ákimniń aıtýyna qaraǵanda, jańa mektepterdiń qurylysy bıyl aıaqtalady. Jańa oqý jylynda paıdalanýǵa berilgende, 12 mektepte eki kezeńde 24 myń oqýshy bilim alady.

Eske sala ketelik, budan buryn Atyraýda balabaqshadan oryn alý kezeginiń biryńǵaı bazasy iske qosylǵanyn habarlaǵan bolatynbyz.