Jaıly mektep: 2,3 trln teńgege júzege asyrylýy tıis jobaǵa QMA monıtorıng júrgizýde

<p>ASTANA. KAZINFORM &ndash; &laquo;Jaıly mektep&raquo; ulttyq jobasyn iske asyrýǵa bólingen bıýdjet qarajatynyń oryndy jumsalýyn qamtamasyz etý úshin Qarjylyq monıtorıng agenttigi &laquo;Samruk-Kazyna Construction&raquo; AQ-men kezdesý ótkizdi, dep habarlaıdy agenttiktiń baspasóz qyzmeti.</p>

QMA tóraǵasy Dmıtrıı Malahov Prezıdenttiń Qazaqstan halqyna Joldaýynda orta bilim berý sapasyn arttyrýǵa jáne óskeleń urpaqty oqytý men jan-jaqty damytý úshin laıyqty jaǵdaılar jasaýǵa erekshe nazar aýdarǵanyn atap ótti.

Bul mindetti oryndaý úshin «Jaıly mektep» aýqymdy jobasy iske asyrylýda, bul maqsatqa 2,3 trln teńge bólindi.

Zamanaýı talaptarǵa saı 369 mektep salý josparlanýda.

Sonymen qatar, Agenttik júrgizgen monıtorıng barysynda mektep salý kezinde artyq shyǵyndardyń aldyn alý faktileri bar.

«Samruk-Kazyna Construction» AQ Basqarma tóraǵasy Máýlen Aımanbetov jobanyń iske asyrylý mártebesi, ony tsıfrlandyrý kezeńderi jáne sapaly oryndalýyn qamtamasyz etý boıynsha júrgizilip jatqan jumystar týraly aıtty.

Kezdesý qorytyndysy boıynsha ekonomıkalyq jáne qarjylyq quqyq buzýshylyqtardyń aldyn alý boıynsha birlesip jumys jasaý men yntymaqtastyq týraly Memorandýmǵa qol qoıyldy.