«Jaıly mektep»: 163 mektep aýyldyq jerlerde salynady

<p>ASTANA. KAZINFORM &ndash; Jańa formattaǵy mektepterdi salýǵa qoıylatyn talaptardy bekitildi. Bul týraly Úkimet otyrysynda Oqý-aǵart mınıstri Ǵanı Beısembaev aıtty.</p>

«Oqý-aǵartý mınıstrligi ulttyq jobany iske asyrýdyń barlyq kezeńine baqylaýdy jáne úılestirýdi júzege asyrýda. Osy maqsatta ár apta saıyn Premer-Mınıstrdiń birinshi orynbasary ótkizetin jedel keńesterde onyń oryndalý barysy qaralyp, aptasyna eki ret Oqý-aǵartý mınıstrliginiń jobalyq keńsesiniń otyrystarynda barlyq óńirlerdiń qatysýymen, problemalyq suraqtar úılestirilip otyrady. Budan basqa, mınıstrlik QR Prezıdenti Іs basqarmasy ázirlegen «Bıtrıks» aqparattyq júıesi arqyly, naqty ýaqyt rejıminde qurylys jumystaryna, oryndalǵan jumystardyń kólemine kúndelikti monıtorıng júrgizip otyr», - dedi mınıstr.

Jalpy mınıstrdiń dereginshe, ulttyq joba elimizdegi oqýshy oryndarynyń tapshylyǵyn sheshýge, apatty jáne úsh aýysymdy mektepter máselesin joıýǵa baǵyttalǵan. 2024-2025 jyldary 740 myń oqýshy ornyna arnalǵan 369 mektepti, onyń ishinde bıyl 217 mektepti qoldanysqa berý kózdelgen.

«Mektepter qurylysy biryńǵaı standart boıynsha júzege asyrylýda. Bul rette 163 mektep aýyldyq jerlerde salynady. Ulttyq jobany iske asyrýǵa respýblıkalyq bıýdjetten 2,3 trln. teńge bólý kózdelgen. Onyń ishinde byltyr «Samuryq-Qazyna Konstrakshn»-ge tıisti kólemde qarjy aýdaryldy», - dedi Ǵanı Beısembaev.

Onyń atap ótýinshe, Oqý-aǵartý mınıstrligi zamanaýı, ergonomıkalyq jáne qaýipsiz bilim berý keńistigin qurý úshin qajetti normatıvtik-quqyqtyq bazany ázirlep, jańa formattaǵy mektepterdi salýǵa qoıylatyn talaptardy bekitti. Atap aıtqanda:

Birinshi, 7-i jobalyq qýaty boıynsha mektepterdi jobalaýdyń naqty úlgilik tapsyrmalary ázirlenip, bekitildi.

Ekinshi, ergonomıkanyń talaptaryna, sondaı-aq bilim berý protsesin uıymdastyrý kezinde bilim alýshylar men pedagogterdiń qajettilikterine jaýap beretin tehnologııalyq jabdyqtar men jıhazdardyń tolyq tizbesi bekitildi.

Úshinshi, bastaýysh jáne joǵary synyp oqýshylary úshin oqý kabınetteri, sanıtarlyq toraptar, sport zaldary bar jeke bloktar qarastyryldy.

Tórtinshi, qazirgi zamanǵy tehnıkalyq quraldardy engizý esebinen qaýipsizdik sharalary arttyryldy, lıtsenzııalanǵan kúzetpen qamtamasyz etý, kúzet qyzmetkerlerine qoıylatyn biliktilik talaptary kúsheıtildi.

Besinshi, erekshe bilim berý qajettilikteri bar balalar úshin kedergisiz orta qurý qarastyryldy.

Altynshy, mektepterdi zamanaýı pándik kabınettermen jabdyqtaý talaby engizildi. 

Jetinshi, oqýshylarǵa yńǵaıly bolý úshin oqý quraldary men kıimderdi saqtaýǵa arnalǵan jeke shkaftar, qosymsha garderob qarastyryldy.