Jaıyqtyń tasyǵan sýy Oral-Kóshim júıesindegi 4 qoımany 86 paıyzǵa toltyrdy

<p>ASTANA. KAZINFORM &ndash; Sý resýrstary jáne ırrıgatsııa mınıstrliginiń resmı ókili Móldir Abdýalıeva eldegi sý qoımalarynyń jaǵdaı týraly sońǵy málimetterdi jarııalady.</p>

«Qazsýshar» mekemesi Batys Qazaqstan fılıalynyń málimeti boıynsha, aımaqtaǵy sý qoımalary úlken kólemde sý qabyldaýǵa daıyn. Oral-Kóshim sýarý-sýlandyrý júıesiniń 4 sý qoımasy qarqyndy túrde sý jınap jatyr. Qazir olarda 224 mıllıon tekshe metr sý jınaldy. Bul jalpy kólemniń 86%-y. Úlken jáne Kishi Ózen ózenderindegi sý tasqyny aıaqtaldy. Oral qalasyndaǵy Jaıyq ózeniniń deńgeıi 863 santımetr bolyp, bir táýlikte 1 santımetr tústi.

«Qazsýshar» mekemesi Batys Qazaqstan fılıalynyń mamandary tasqyn sýdy utymdy paıdalanyp, tabıǵı shabyndyqtar men kólderge jiberý úshin Oral-Kóshim sýarý-sýlandyrý júıesin tazalap jatyr. Sondaı-aq, kanaldardyń sý shaıyp ketken tustaryn jedel qalpyna keltirýde. Oblystaǵy tasqyn jaǵdaıy turaqty kúrdeli», - deıdi mınıstrlik ókili.

Al Aqmola oblysyndaǵy Astana jáne Sileti sý qoımalary 100% tolǵan, shtattyq kestege saı jumys istep tur. «Alva» jáne «Keńbıdaıyq» sýarý júıeleri de 100% tolǵan. Tselınograd aýdanyndaǵy Qozykósh, Muqyr jáne Qarasý ózenderi de kemerine kelip, Qorǵaljyn qoryǵyndaǵy Teńiz kóline 1,5 mlrd tekshe metr sý jiberilgen.

Soltústik Qazaqstan oblysynda 2 iri sý qoımasy 100% tolǵan. Aımaqta tasqynnyń beti qaıtqan joq. Sergeev sý qoımasyndaǵy bógettiń jotasynan asqan sýdyń bıiktigi 337 santımetr deńgeıge túsken.

Esil ózeniniń Petropavl qalasyndaǵy deńgeıi 1279 santımetr bolyp tur. ıAǵnı, jaǵdaı áli kúrdeli. Aqtóbe oblysyndaǵy eki iri sý qoımasy 97% tolǵan. Eki nysan da shtattyq kestege saı jumys istep tur.

Móldir Abdýalıeva dál qazir Shyǵys jáne Batys Qazaqstan oblystarynan basqa óńirlerdiń bárinde tasqynnyń belsendi kezeńi ótti degen málimet keltirdi.

Shyǵys Qazaqstan oblysyndaǵy eki iri sý qoımasynda jınalǵan sýdyń ortasha kólemi 82%-ǵa jetken.

Abaı oblysynda Shúlbi sý qoımasy 57% toldy. Óńirde tasqyn jalǵasýda. Qaraǵandy oblysynda 3 iri sý qoımasy 98,5% toldy. Bári de shtattyq rejımde jumys istep tur.

«Qostanaı oblysyndaǵy eki iri sý qoımasynyń ortasha sý jınaý kórsetkishi 92%-ǵa jetti. Eki nysan da shtattyq kestege saı jumys istep tur. ShQO men BQO-dan basqa óńirlerdiń bárinde sý tasqynynyń belsendi kezeńi ótti», - dedi ol.