Jaıyqtyń sýy besinshi kún qatarynan úzdiksiz kóterilip jatyr

<p>ATYRAÝ. KAZINFORM — Atyraý oblysynda Jaıyqtan kelgen sýǵa qarsy jumys jalǵasyp jatyr. </p>

Sý tasqynyna qarsy úıindi bógetter Jaıyq ózeniniń arnasynan shyǵýyn tejeıdi.

Tótenshe jaǵdaı mınıstrliginiń qutqarýshylary táýlik boıy qorǵanys qurylystarynyń jaı-kúıine monıtorıng júrgizip otyr. 

TJ mınıstri Shyńǵys Árinov Jaıyq ózeniniń aǵysymen Kaspııge qaraı tómen túsip, bógetterdi kózben sholyp tekserdi.

Sońǵy 5 kún ishinde aımaqqa sý úzdiksiz kelip jatyr. 

Qazgıdromettiń gıdrologııalyq monıtorıng derekterine sensek, 12 mamyr saǵat 09:00-de Jaıyq ózenindegi sý deńgeıi mynadaı:

Atyraý — 538 sm. Táýligine + 5 sm.

Inderbor aýdany — 1033 sm. Táýligine +7 sm.

Mahambet aýdany — 955 sm. Táýligine +16 sm. 

Jaıyq-Inderbor jáne Jaıyq-Mahambet sý beketterinde deńgeı mejeden asyp tústi.

Odan ári artady dep kútilip otyr.