Jaıyqtyń deńgeıin tómendetý úshin Saraıshyq mańyndaǵy Qursaı kanaly jyrylǵan
Atyraý oblystyq jedel shtabtyń málimetinshe, Mahambet aýdanynyń Saraıshyq aýylyndaǵy Qursaı kanalynyń jalpy uzyndyǵy – 53 shaqyrym. Kanal boıynda 11 sharýa qojalyǵy ornalasqan. Bastaýyn Saraıshyq aýyly tusyndaǵy Jaıyq ózeninen alatyn kanal Beıbarys aýylyna taıaý mańdaǵy Túıeshi qystaǵyna deıin sozylady.
«Jaıyq ózenindegi tasqyn sýdan Saraıshyq aýylyna qaýip tónbeý úshin Qursaı kanaly birneshe jerden jyryldy. Bul ózendegi sý deńgeıin baqylaýda ustaýǵa septigin tıgizip tur. Kanal jyrylǵannan keıin Jaıyq ózenimen kelgen mol sý saı-jyralarǵa aǵyp jatyr», - deıdi Saraıshyq aýyldyq okrýginiń ákimi Jannat Kenjeǵalıeva.
Onyń aıtýynsha, qazir Saraıshyq aýylynda bógetti qosymsha bekitý jumysy úzdiksiz júrgizilýde. Bógetke 7 mamyrdan beri táýlik boıy uıymdastyrylǵan. Bul tosyn jaǵdaıdy dereý joıýǵa, sý basý qaýpiniń aldyn alýǵa yqpal etip otyr.
Eske sala ketelik, budan buryn Ortaǵasyrlyq Saraıshyq qalashyǵyn sý tasqynynan qorǵaý kúsheıtilgen rejımde júrgizilip jatqanyn habarlaǵan bolatynbyz.