Jaıyqtan keler qaýip seıildi

<p>ASTANA. KAZINFORM &ndash; Jaıyq ózeni sýynyń deńgeıi qaýipti mejeden 37 sm-ge tómendedi. Bul týraly Batys Qazaqstan oblystyq TJD resmı ókili Nurjan Tóleýish aıtty.</p>

«Qazirgi ýaqytta BQO boıynsha jalpy jaǵdaı turaqtalyp keledi. Óıtkeni, keıingi aptada Jaıyq ózeni sýy deńgeıiniń bóáseńdegeni baıqalady. Sońǵy táýlikte taǵy da 7-8 sm-ge deıin tústi. Qazirgi deńgeıi – 8 metr 13 sm. Al qaýipti deńgeıi 8 metr 50 sm ekenin jaqsy bilemiz. Sol sebepti qazir óńirdiń eldi mekenderine qaýip joq dep aıta alamyz», - dedi ol Ortalyq kommýnıkatsııalar qyzmetindegi brıfıngide.

Onyń aıtýynsha, oblysta 2 eldi mekenge jol qatynasy bolmaı tur. 12 joldy sý shaıyp ketken. Búginde bul jaǵdaı baqylaýǵa alynǵan. 

«Sý tasqyny kezeńinde 14 078 adam evakýatsııalandy, onyń 5 813-i – 18 jasqa tolmaǵan balalar. Oblys boıynsha 12 evakýatsııalyq pýkntte 2 329 adam qalyp otyr. Onyń 1 011-i – balalar. Týǵan-týystarynda 7 390 adam ornalasty. Evakýaktsııalyq pýnktterden úılerine 4 359 adam qaıtaryldy», - dedi Nurjan Tóleýish.

Eske sala keteıik, buǵan deıin Jaıyq ózeniniń deńgeıi Taıpaq aýylynyń tusynda 750 santımetrge jetkenin jazǵan edik.