ORAL. KAZINFORM – Indonezııanyń Pontıanak qalasynda 13-17 mamyr aralyǵynda voleıboldan Azııa chempıondar lıgasynyń oıyndary ótedi.
«Jaıyq» voleıbol klýbynan málim etkenindeı, atalmysh dodada sary qurlyqtyń eń úzdik 8 komandasy synǵa túsedi.
Qazaqstandyq maman Vıktor Kozık jattyqtyratyn oraldyqtar bastapqy kezeńde ındonezııalyq «Jakarta Bhayangkara Presisi» komandasymen sheberlik baıqasady.
Jeńgen klýb katarlyq «Al Rayyan» men koreıalyq «Hyundai Capital SkyWalkers» komandalarynyń úzdik shyqqanymen fınal joldamasyn sarapqa salady.
Ekinshi topta japondyq «Rep. of SV. League», taılandtyq «Nakhonratchasima Qmin C VC», ırandyq «Foolad Sirjan Iranian» jáne taǵy bir ındonezııalyq «Jakarta Garuda Jaya» komandalary oınaıdy.
Eske sala keteıik, budan buryn voleıboldan kósh basyndaǵy «Jetisý» klýbynyń «Atyraýdan» basym túskenin jazǵan bolatynbyz.
«Jaıyq» klýby «Jetisýdyń» jeńisti serııasyn toqtatty.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).