Jaıyq, Shaǵan ózeniniń kóterilýine baılanysty Oral baqylaýǵa alyndy – TJD

<p>ASTANA. KAZINFORM &ndash; Eki ózen sýynyń kóterileýine baılanysty Oral qalasynda baqylaý kúsheıtildi. Bul týraly BQO Tótenshe jaǵdaılar departamenti bastyǵynyń orynbasary Qanat Qarabalaev málim etti.</p>

«Búginde Jaıyq jáne Shaǵan ózeni deńgeıiniń kóterilýine baılanysty Oral qalasy baqylaýǵa alyndy. Sonymen qatar Derkól kentindegi turǵyn úıler men saıajaılardy sý basý qaýpi saqtalyp otyr. Jergilikti atqarýshy organdar ınjenerlik tehnıkalardyń kómegimen qum salynǵan qaptar daıyndalyp, ózen, bógen jaǵalaýlaryn nyǵaıtý jumystary júrgizilýde.

Sondaı-aq, sý tasqynynan zardap shekken azamattarǵa medıtsınalyq jáne psıhologııalyq kómek kórsetilip jatyr», - dedi Qanat Qarabalaev Ortalyq kommýnıkatsııalar qyzmeti alańynda ótken baspasóz máslıhatynda. 

TJD ókiliniń aıtýynsha, BQO-da 9 eldi meken kólik qatynasynsyz qalyp otyr jáne jergilikti aýqymda 6 tótenshe jaǵdaı jarııalandy. 

«Sý tasqyny bastalǵaly 7 048 adam evakýatsııalandy, onyń ishinde 3 665 bala bar. Ýaqytsha ornalastyrý pýnktterine 1 455 adam jetkizildi, olardyń arasynda balalar da bar. Sý tasqyny saldaryn joıýǵa barlyǵy 4 251 adam, 954 birlik tehnıka, 95 birlik júzý quraldary, 332 birlik motopompa, 2 birlik áýe kemesi jumyldyryldy», - deıdi ol. 

Eske sala ketsek, 4 sáýirde Memleket basshysy Batys Qazaqstan oblysynda sý tasqynyna baılanysty jaqyn mańdaǵy aýyldardan kóshirilgen turǵyndarmen kezdesken edi. 

6 sáýirde Batys Qazaqstan oblysynyń ákimi Narıman Tóreǵalıev óńir turǵyndaryna sý tasqynyna qatysty qalyptasqan jaǵdaı boıynsha úndeý joldady.