Jaıyq ózeninde sý deńgeıi taǵy kóterilýi múmkin – Sý resýrstary mınıstrligi

<p>ASTANA. KAZINFORM &ndash; QR Sý resýrstary jáne ırrıgatsııa mınıstrliginiń baspasóz qyzmeti elimizdiń aımaqtaryndaǵy sý qoımalaryndaǵy qazirgi jaǵdaı týraly málimetterdi jarııalady.</p>

Mınıstrliktiń baspasóz qyzmeti taratqan málimetterge qaraǵanda, elimizge Reseı Federatsııasy aýmaǵynan sý kelip jatyr. Atyraý qalasynda Jaıyq ózeniniń deńgeıi - 545 sm, Atyraý oblysynyń Mahambet aýylynda - 966 sm. Jaıyq ózeniniń deńgeıi odan ári kóteriledi dep kútilýde. «Qazsýshar» mekemesiniń jergilikti fılıalynyń mamandary tasqyn sýyn qaýipsiz ótkizý jumystaryn jalǵastyrýda.

Batys Qazaqstan oblysynyń tórt iri sý qoımasy 94%-ǵa toldy. Olardyń barlyǵy shtattyq kestege saı jumys isteıdi. Aımaqta sý tasqynynyń ekinshi kezeńi jalǵasýda.

Oral qalasynda Jaıyq ózeniniń deńgeıi - 754 sm, ol bir táýlikte 4 sm-ge tómendedi.

Aqmola oblysyndaǵy eki iri sý qoımasy 100%-ǵa toly. Eki nysan da shtattyq kestege saı jumys isteıdi. Óńirde sý tasqyny aıaqtaldy. Astananyń qorǵanys bógetinen Esil ózenine táýligine 4,32 mln tekshe metr sý jiberiledi.

Soltústik Qazaqstan oblysyndaǵy 2 iri sý qoımasy 100%-ǵa toly. Esil ózeninde sý tasqynynyń ekinshi kezeńi jalǵasýda.

Petropavl qalasy shegindegi Esil ózeniniń deńgeıi - 1063 sm. Ol bir táýlikte 6 sm-ge tómendedi.

Aqtóbe oblysyndaǵy eki iri sý qoımasynyń ortasha sý jınaý kórsetkishi 95%. Eki nysan da shtattyq kestege saı jumys isteıdi. Óńirdegi sý tasqyny aıaqtaldy.

Shyǵys Qazaqstan oblysyndaǵy eki iri sý qoımasy boıynsha ortasha sý jınaý kórsetkishi 84,6%. Aımaqta sý tasqyny jalǵasýda.

Abaı oblysynda Shúlbi sý qoımasy 57%-ǵa toldy. Aımaqta sý tasqyny jalǵasýda. Ertis kaskadynyń barlyq sý qoımalary shtattyq kestege saı jumys isteıdi.

Qaraǵandy oblysyndaǵy 3 iri sý qoımasy 99%-ǵa toly. Olardyń barlyǵy shtattyq kestege saı jumys isteıdi. Óńirde sý tasqyny aıaqtaldy.

Qostanaı oblysyndaǵy eki iri sý qoımasynyń ortasha sý jınaý kórsetkishi 92%. Eki nysan da shtattyq kestege saı jumys isteıdi. Óńirde sý tasqyny aıaqtaldy.

Sý qoımalarynda «Qazsýshar» mamandarynyń kezekshiligi jáne sý sharýashylyǵy jaǵdaıynyń monıtorıngi jalǵasýda. Sý qoımalaryna jınalǵan sý aýylsharýashylyǵy men ónerkásipte paıdalaný úshin jiberiledi.