Jaıyq ózeniniń sýy Mahambet aýdanynda 7,5 metrge jetti

<p>ATYRAÝ. KAZINFORM &ndash; Atyraý oblysynyń Mahambet aýdanynda Jaıyq ózeniniń deńgeıi 7 metr 54 santımetrge jetti.&nbsp;</p>

«Qazgıdromet» RMK Atyraý oblystyq fılıalynyń málimetinshe, kórshiles Batys Qazaqstan oblysynyń aýmaǵynan aǵyp kelgen sý esebinen Jaıyq ózeniniń deńgeıine ózgergen.

«Búgin, 29 sáýirde saǵat 08:00-de Inderbor kentindegi gıdrobekette Jaıyq ózenindegi sý deńgeıi +23 santımetr kóterilip, 6 metr 68 santımetrdi qurady. Sý tasqyny bastalǵannan beri munda kóterilý kórsetkishi 445 santımetr boldy. Al, Mahambet aýyly tusynda ózen sýy +11 santımetrge ulǵaıyp, 7 metr 54 santımetrge jetti. Bul aýylda kóterilgen sýdyń jalpy kórsetkishi – 437 santımetr», - dep habarlady oblystyq jedel shtab. 

Sondaı-aq, Jaıyq ózenindegi sýdyń kóterilgeni Atyraý qalasynda da baıqalyp otyr. Búgin munaıly shahardaǵy gıdrobekette ózen arnasy +8 santımetr kóterilip, 4 metr 42 santımetr deńgeıinde tur. Sý tasqyny bastalǵannan beri sý deńgeıi 251 santımetrge kóterilgen.

Eske sala ketelik, buǵan deıin Atyraýdyń Mahambet aýdanynda Jaıyq ózeniniń deńgeıi 7 metrden asqanyn habarlaǵan edik.