Jaıyq ózeniniń sýy Inder aýdanynda qaýipti deńgeıden asyp ketti
«Qazgıdromet» RMK Atyraý oblystyq fılılalynyń gıdrologııalyq monıtorıng deregine qaraǵanda, Inder aýdanynda Jaıyq ózeniniń qaýipti deńgeıi – 845 santımetr.
Búgin, 5 mamyrda tańerteńgi saǵat 08:00-de Inderor kentiniń tusynda sý deńgeıi qaýipti shekten 7 santımetrge asqan. Tańerteń ózen sýy 852 sm bolsa, kúndizgi saǵat 12:00-ge deıin taǵy 4 sm-ge ulǵaıǵan. Sóıtip, 856 santımetrge jetti.
Al, Mahambet aýdanynda sý deńgeıi qaýipti shekke jetpegenimen, jaqyndap qaldy. Bul aýdandaǵy qaýipti shek – 8 metr 50 sm. Búgin tańerteńgi saǵat 08:00-de munda ózen arnasyndaǵy sý deńgeıi 846 santımetrdi qurady. Túski saǵat 12:00-de taǵy 2 sm-ge kóbeıip, 848 sm-ge jetti.
Atyraý qalasy men onyń mańyndańy eldi mekenderdiń tusynda da Jaıyq sýy kóterilip keledi. Máselen, munaıly shaharda búgin tańerteńgi saǵat 12:00-de 490 sm-di qurap tur. Sýdyń qaýipti deńgeıi – 5 metr 50 sm.
Dál osy ýaqytta Jaıyq ózenindegi sý shahar mańyndaǵy Jańatalap aýylynda 350, al, Erkinqala eldi mekeni tusynda 310 sm-di kórsetip tur.
Eske sala ketelik, buǵan deıin Jaıyq ózeninde sý deńgeıi Inder aýdanynda da 8 metrden asyp ketkenin jazǵan edik.