«Qazgıdromet» RMK Atyraý oblystyq fılılalynyń deregine súıensek, kesheden beri Inder jáne Mahambet aýdanynda Jaıyqtyń sýy qaýipti shekten asyp ketti.
Máselen, búgin, 6 mamyrda tańerteńgi saǵat 08:00–de Inderbor kentiniń tusynda ózen arnasynyń sýy 884 santımetrge jetti.
Munda qaýipti shek — 845 sm. Demek, qaýipti shekten 39 santımetrge kóbeıip tur.
Al, Mahambet aýdanynda ózen arnasy qaýipti shekten 11 santımetrge asqan.
Qazir Mahambet aýylynyń tusyndaǵy sý deńgeıi 861 santımetr boldy.
Jaıyq ózeniniń deńgeıi Atyraý qalasynda — 496 sm.
Munaıly shahar mańyndaǵy Jańatalap aýylynda — 356, al, Erkinqala eldi mekeninde — 316 santımetrdi kórsetti.
Eske sala ketelik, budan buryn Inderde — 15, Mahambet aýdanynda 22 evakýatsııalyq pýnkt daıyn turǵanyn jazǵan edik.
Sondaı-aq, Atyraýdyń Inder aýdanynda 20 tonna azyq-túlik qory jasaqtaldy.