Jaıyq ózeninen ortaǵasyrlyq Saraıshyq qalashyǵyna qater tónbeıdi
Ortaǵasyrlyq Saraıshyq qalashyǵy Jaıyq ózeniniń jaǵalaýyndaǵy Saraıshyq aýyldyq okrýginiń aýmaǵynda ornalasqan. Bul okrýg Mahambet aýdanyna qaraıdy.
Atyraý oblystyq jedel shtabtyń málimetinshe, Mahambet aýdanynda ózen deńgeıiniń qaýipti shegi – 8 metr 50 santımetr. Búgin, 3 mamyrda batyr atyndaǵy aýdanda sý aıdynynyń deńgeıi 8 metr 28 santımetrge jetti.
Saraıshyq aýyldyq okrýginiń ákimi Jannat Kenjeǵaıevanyń aıtýynsha, eldi mekende sý tasqynynan qorǵaıtyn 13,6 shaqyrym bóget bar.
«Bógettiń 5,4 shaqyrymy buryn turǵyzylǵan. Al, 8,2 shaqyrym jańadan salyndy. Qazir ózen jaǵalaýyn bekitý tolyq aıaqtaldy. Jaıyq ózeniniń sýynan aýylǵa da, ortaǵasyrlyq Saraıshyq qalashyǵy men onyń aýmaǵyndaǵy kóne qorymdarǵa da qaýip tónbeıdi. Mundaǵy arheologııalyq qazba oryndary men eski qorymdar bıiktigi 2,5 metr bógetpen qorshaldy. Tarıhı qalashyqtaǵy sapar-ortalyǵynyń qorshaýy jańartyldy», -dep habarlady Jannat Kenjeǵalıeva.
Eske sala ketelik, buǵan deıin Atyraýdyń Mahambet aýdanynda Jaıyq ózeniniń deńgeıi 8 metrden asqanyn jazǵan bolatynbyz.
Osyǵan baılanysty Mahambet aýdanynyń jedel shtaby kúsheıtilgen jumys rejımine kóshken edi.
Sondaı-aq, Mahambet aýdanynda 6 myńnan astam oqýshy sabaqty onlaın oqyp júr.