Jaıyq ózenindegi sý deńgeıi tómendep keledi

<p>ASTANA. KAZINFORM &ndash;Reseı Federatsııasy tarapynan Jaıyq ózenine keletin sýdyń deńgeıi tómendeýde. Oral qalasy jáne 4 aýdandaǵy 84 eldi mekeninde Jaıyq ózeniniń jaǵalaý ýchaskelerine 150 km bóget turǵyzylyp, nyǵaıtylǵan. Sý tasqynyna qarsy sharalarǵa jergilikti quramalardan, sondaı-aq basqa oblystardan 11 myńnan asa adam, 1 myńǵa jýyq ınjenerlik arnaıy tehnıka tartyldy.</p>

Ortalyq kommýnıkatsııalar alańynda ótken brıfıngte BQO ákiminiń orynbasary Tilepbergen Kaıýpov osyndaı málimetterdi keltirdi.

Óńirde sý tasqynynyń birinshi jáne ekinshi kezeńderiniń saldaryn qalpyna keltirý boıynsha jumystar jalǵasyp jatyr.

«Tótenshe jaǵdaı týyndaý saldarynan 1 321 turǵyn úıge zııan keltirildi. 1 208 úı boıynsha tehnıkalyq tekseris júrgizilip, 420 turǵyn úı ári qaraı turýǵa jaramsyz dep tanyldy. Olardy qalpyna keltirý boıynsha jumystar bastaldy. Atap aıtqanda, salynatyn jańa turǵyn úılerdiń jer ýchaskeleri anyqtalyp, jer jumystary júrgizilýde. Zardap shekkenderge 100 AEK mólsherinde 369,2 myń teńge birjolǵy áleýmettik kómek kórsetildi. Qazirgi tańda 1 893 otbasy 688 mln teńgege áleýmettik kómek aldy», - dedi spıker.

Sonymen qatar, sý tasqyny saldarynan 2 342 bas mal shyǵyny oryn aldy. Qazirgi tańda shyǵyndardy óteý boıynsha jumystar jalǵasýda. Materıaldyq múlikti óteýdiń joǵarǵy shekti quny el boıynsha 150 AEK deıin bolyp belgilendi (554 myń teńge). Materıaldyq múlikti óteý tıisti baǵalaý jumystary ótkizilgennen keıin júrgiziletin bolady. Shaǵyn jáne orta bıznes sýbektilerine keltirilgen múliktik nuqsandy óteý Bızneske keltirilgen shyǵyndardy anyqtaý arnaıy qurylǵan komıssııamen júrgizilýde.

«Sý tasqynynan zardap shekkenderge nesıeler boıynsha tólemder 2024 jylǵy 1 sáýir men 30 maýsym aralyǵynda 3 aı merzimge keıinge qaldyrylady, sý tasqyny saldarynyń áserine baılanysty týyndaǵan tólemderdi keshiktirgeni úshin aıyppuldar men ósimpuldar eseptelmeıdi», - dedi Tilepbergen Kaıýpov.