Jaıyq ózenindegi sý deńgeıi Taıpaq aýyly tusynda 10 santımetrge kóterildi

<p>ORAL. KAZINFORM &mdash; Jaıyq ózenindegi sý deńgeıi Aqjaıyq aýdany Taıpaq aýyly tusynda bir táýlikte 10 santımetrge kóterildi.</p>

«Qazgıdromet» RMK BQO fılıalynyń 25 sáýir kúngi saǵat 08.00-degi málimetine qaraǵanda, Taıpaqta sý deńgeıi 548 santımetrge (qaýipti shegi – 850 sm) jetti.

Jaıyqtyń basqa gıdrobeketterinde sýdyń túsýi baıqalady. Atap aıtqanda, ıAnvartsev aýylynda 7 (880 sm, qaýipti shegi – 1 250 sm), Oralda 2 (859 sm, qaýipti shegi – 850 sm), Kóshimde 1 santımetrge (857 sm) tómendegen. Kóshim kanalynda deńgeı birqalypty (825 sm, qaýipti shegi – 800 sm).

Aqjaıyq aýdanynyń ákimi Murat Serdalın Jaıyq ózeniniń sýy aýdan aýmaǵynan tómenge ótip jatqanyn jetkizdi.

«Jalpy jaǵdaı qalypty. Bógetterdi nyǵyzdaý, bıiktetý jumystary júrgizilip jatyr», - dedi M.Serdalın.

Eske sala keteıik, budan buryn 280-nen astam áskerı qyzmetshiniń Oraldan Atyraý oblysyna kómekke attanǵanyn jazǵan bolatynbyz.